طريقة تحضير براونيز كيت كات

المقادير:

- 200 غ زبدة 
 -200 غ شكلاط
 -3/4 ك دقيق 
-1 1/4 ك سكر سنيدة
 1/3 ك كاكاو مر
 -3 بيضات+ 2 أصفر البيض 
 - وطبعا كيت كات للحشو والتزيين  

طريقة التحضير :

كندوبو الزبدة والشكلاط فحمام مريم ونخليوهم يبردو كنضيفو ليهم من بعد البيض لكنكونو ضربناه شوية بالطراب اليدوي  وفي إناء آخر كنخلطو الدقيق والكاكاو وسكر سنيدة , كنضيفو ليه الخليط الاول حتي نحصلو على خليط متجانس كنخدو المول ندهنوه بالزبدة ورشوعليه  الدقيق كنخويو نصف الخليط وناخدو قطع كيت كات ونوزعوهم فوقو على الشكل التالي :

من بعد كنخويو نصف الخليط الآخر ونزينوه بكيت كات من الفوق من بعد منكونو هرمشناه .

ثم ندخلوه الفرن مدة 40 إلى 45 دقيقة في حالة مكنتوش كتبغيوها رطبة ممكن تزيدولها الطياب مدة 10 دقائق فاش نخرجوها من الفرن وتبرد  نقطعوها على شكل  مربعات .