طريقة تحضير عجين اللازانيا

المقادير:

- 1 ك كبير دقيق الفورص
- 1 بيضة
-  قبصة ملح
- 2 م ك ماء

طريقة التحضير:

كنخلطو المقادير حتى نحصلو على عجين .متماسك ،ندلكوه شوية ثم نغطيوه بالبلاستيك الغدائي ونخليوه يرتاح شوية.

من بعد كناخدو مدلك ونسرحو العجين مع رش الدقيق حتى نحصلو على سمك رقيق ونقطعوها على حسب القياس لبغينا.

في كاسرولة كنديرو الماء يغلي مع إضافة قبصة الملح وقطرات من الزيت لتفادي انها تلتصق،وكنرميو فيه شرائح اللازانيا،فالاول كتنزل لينا لقاع الكاسرولة غير كتبدى طيب كتطلع لفوق تقريبا كتاخد دقيقة نحاولو منرميوش بزاف الشرائح مرة واحدة لتفادي أنها تلتصق.

فهاد الاثناء كنوجدو إناء فيه ماء بارد،كنصفيو شرائح اللازانيا من الكاسرولة وكنوضعوهم فالماء البارد وكنستفوهم فوق شبكة لتفادي أنهم يلتاصقو ونخليوهم ينشفو شوية إلى حين تحضير الحشوة.